NATO-nun fəaliyyəti Rusiyaya qarşı yönəlib, alyansın ambisiyaları genişlənir.
“Operativ Məlumat Mərkəzi-OMM” xəbər verir ki, bu barədə Rusiya Xarici İşlər Nazirliyinin sözçüsü Mariya Zaxarova "Sputnik Radiosu"na açıqlamasında bildirib.
Onun sözlərinə görə, son illərdə Rusiya NATO-nun niyyətlərinin genişləndiyini müşahidə edir və bu fəaliyyətlər təkcə qərb istiqamətindən deyil, həm də ölkənin cənub hissəsi və Uzaq Şərq istiqamətindən “mühasirə” xarakteri daşıyır.
Zaxarova həmçinin qeyd edib ki, NATO nüvə potensialını gücləndirmək və genişləndirməkdə davam edir. Diplomatın sözlərinə görə, bu potensialın münaqişə şəraitində Rusiyaya qarşı istifadə olunması istisna edilmir.
O əlavə edib ki, bu proses ABŞ-ın nüvə silahları ilə həyata keçirdiyi birgə nüvə missiyaları ilə yanaşı, alyans daxilində Avropa nüvə komponentinin genişləndirilməsini də əhatə edir.
