Hörmüz Boğazında Təhlükəsizlik: Cənubi Koreya Çoxtərəfli Görüşə Qatılır
Hörmüz boğazında təhlükəsizliyin təmin edilməsi və vəziyyətin sabitləşdirilməsi məqsədilə keçiriləcək çoxtərəfli onlayn görüşdə Cənubi Koreya da iştirak edəcək.
“Operativ Məlumat Mərkəzi-OMM” xəbər verir ki, bu barədə "Yonhap" agentliyi məlumat yayıb.
Qeyd olunub ki, görüş bu ayın əvvəlində döyüş əməliyyatlarının başa çatmasından sonra boğazda təhlükəsizlik variantlarının müzakirəsi məqsədilə Böyük Britaniyanın himayəsi altında keçirilmiş müşavirənin davamı olacaq. Həmin müşavirədə 40 ölkədən hərbi mütəxəssislər iştirak edib.
Qarşıdan gələn görüşdə Koreyanı xarici işlər nazirinin müavini Çon Iy He təmsil edəcək. Danışıqlar Böyük Britaniya və Fransanın birgə rəhbərliyi altında aparılacaq.
ABŞ-İran Münaqişəsi və Atəşkəs: Bölgədə Nələr Baş Verdi?
Xatırladaq ki, ABŞ və İsrail fevralın 28-də İrana qarşı hərbi əməliyyatlara başlayıb. Nəticədə İranın ali rəhbəri ayətullah Əli Xamenei və bir sıra yüksək vəzifəli şəxslər öldürülüb.
Bundan sonra İran İsraillə yanaşı, ABŞ və müttəfiqlərinin hərbi bazalarının yerləşdiyi Səudiyyə Ərəbistanı, Qətər, Birləşmiş Ərəb Əmirlikləri, Oman, Bəhreyn, İraq və Kiprdə müəyyən etdiyi hədəflərə zərbələr endirməyə başlayıb.
Gərginliyin ardınca İran, ABŞ və onların müttəfiqləri 2026-cı il aprelin 8-nə keçən gecə iki həftəlik atəşkəs barədə razılığa gəliblər.
İslamabad Danışıqları Niyə Nəticəsiz Qaldı?
Aprelin 11-12-də İslamabadda Pakistanın vasitəçiliyi ilə İran və ABŞ arasında danışıqlar aparılıb. Saatlarla davam edən müzakirələr heç bir razılaşma əldə edilmədən başa çatıb.
