OMM Redaksiyası
Almaniyanın “RB Leypsiq” klubunda çıxış edən müdafiəçi və komandanın kapitanı David Raum mövsümün sonunda azad agent statusu qazana bilər. Onun klubla müqaviləsinin müddəti cari mövsüm başa çatdıqdan sonra bitir.
"Operativ Məlumat Mərkəzi-OMM" xarici KİV-ə istinadən xəbər verir ki, 28 yaşlı futbolçunun xidmətlərində İtaliya A Seriyasının iki təmsilçisi — “Yuventus” və “Torino” maraqlıdır. İngiltərə Premyer Liqasında çıxış edən klubların da müdafiəçini yaxından izlədiyi qeyd olunur.
David Raumun “Leypsiq”dəki göstəriciləri
Raum 2022-ci ilin yayından Leypsiq təmsilçisinin formasını geyinir. Müdafiəçinin bazar dəyəri 25 milyon avro qiymətləndirilir.
Futbolçu cari mövsümdə Almaniya çempionatında dörd oyunda iştirak edib.
