OMM Redaksiyası
Portuqaliya millisinin və Turin “Yuventus”unun futbolçusu Fransişku Konseysu İngiltərə Premyer Liqası klublarının diqqət mərkəzinə düşə bilər.
"Operativ Məlumat Mərkəzi-OMM" xəbər verir ki, 23 yaşlı vinger ötən yay “Liverpul”un maraq dairəsində olub. Lakin İngiltərə klubu portuqaliyalı futbolçu ilə bağlı konkret təklif göndərməyib.
Jurnalist Ekrem Konurun sosial şəbəkələrdə yaydığı məlumata görə, yanvar transfer pəncərəsində APL klubları Konseysuya maraq göstərə bilər.
Fransişku “Yuventus”da 2025-ci ilin yayından çıxış edir. Futbolçunun bazar dəyəri 30 milyon avro qiymətləndirilir. Onun Turin klubu ilə qüvvədə olan müqaviləsinin müddəti 2030-cu il iyunun sonunda başa çatır.
