Əfqanıstanda humanitar böhran dərinləşməkdə davam edir.
"Operativ Məlumat Mərkəzi-OMM" UNICEF-ə istinadən xəbər verir ki, 2025-ci ildə ölkədə təxminən 22,9 milyon insanın humanitar yardıma ehtiyacı olacağı proqnozlaşdırılır.
Yardım gözləyən əhalinin təxminən 12 milyonunu uşaqlar təşkil edir. Bu rəqəm ölkə əhalisinin demək olar ki, yarısına bərabərdir.
Hesabatda qeyd olunur ki, son bir il ərzində milyonlarla insan qida, tibbi xidmət və digər zəruri ehtiyacların qarşılanmasında ciddi çətinliklərlə üzləşib.
Xatırladaq ki, Əfqanıstandakı iqtisadi qeyri-müəyyənlik və infrastruktur problemləri humanitar vəziyyəti daha da gərginləşdirən əsas amillər kimi göstərilir.
