Ötən gün Yunanıstanın Larisa şəhərində ölkə tarixində ən böyük qatar qəzası baş verib.
"Operativ Məlumat Mərkəzi-OMM" xarici mediaya istinadən xəbər verir ki, 352 nəfərin olduğu sərnişin qatarı ilə yük qatarı üz-üzə toqquşub və qəzada 43 nəfər həyatını itirib.
Qəzadan sonra Yunanıstanın nəqliyyat naziri Kostas Karamanlis istefa ərizəsini təqdim edərək qeyd edib:
"Belə bir faciəli hadisə baş verəndə heç nə olmamış kimi davam etmək mümkün deyil".
Yazılı bəyanatında o, vəzifəsindən istefa verdiyini və "qurbanların xatirəsini ehtiramla yad etmək üçün edə biləcəyi ən az şey olduğunu" bildirib.
Karamanlis onu da vurğulayıb ki, dövlət "çoxdankı" səhvlərinə görə məsuliyyəti öz üzərinə götürür.
Polis Larisada stansiya rəisini ehtiyatsızlıqdan ölümə səbəb olmaqda ittiham edərək həbs edib. Siqnallara cavabdeh olan 59 yaşlı rəis ittihamları rədd edib və qəzanın mümkün texniki xəta nəticəsində baş verdiyini deyib.
