Yunanıstanda fermerlər ölkənin şimalında bəzi yolları bağlayır, hakimiyyət orqanlarından təbii fəlakətlər nəticəsində zeytun ağaclarının itirilməsinə görə təzminat, kənd təsərrüfatı üçün elektrik enerjisi tariflərinin aşağı salınması və yanacağın ucuzlaşması, həmçinin əlavə subsidiyalar tələb edirlər.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Qeyd olunur ki, fermerlər, xüsusən, yerli vaxtla ən azı 20:00-a qədər 120 traktorla Saloniki - Nea Moudania magistral yolunu hər iki istiqamətdə bağlayıblar.
Etirazçılar Yunanıstanın şimalında yolların bağlanmasını gücləndirmək üçün tədricən traktorları çıxarmağa başlayırlar.
Xatırladaq ki, fevralın 1-dən etibarən fermerlər “Agrotica” kənd təsərrüfatı sərgisinin keçirildiyi Saloniki Beynəlxalq Sərgi Mərkəzində 300 traktor saxlayıblar.
