OMM Redaksiyası
Yunanıstan millisi UEFA Millətlər Liqasının A Liqasının 2-ci qrupunda ikinci tur çərçivəsində Almaniya yığmasını məğlub edib. Almaniyanın Auqsburq şəhərində keçirilən görüş Yunanıstanın 1:0 hesablı qələbəsi ilə başa çatıb.
Qarşılaşmada yeganə qolu 74-cü dəqiqədə Dimitris Kurbelis vurub. Bu, Yunanıstan millisinin tarixində Almaniya üzərində qazandığı ilk qələbə olub.
Yunanıstan yığmasının baş məşqçisi İvan Yovanoviç UEFA-nın rəsmi saytına açıqlamasında nəticəni yüksək qiymətləndirib: “Bu, güclü rəqib üzərində çox əhəmiyyətli və Almaniyada Yunanıstan millisi üçün tarixi qələbədir. İlk iki oyunda iki qələbə komandamız və gələcək inkişafımız üçün böyük əhəmiyyət daşıyır”.
Baş məşqçi Almaniyanın topa daha çox sahib olmasını gözlənilən hal kimi dəyərləndirib. Onun sözlərinə görə, Yunanıstan ikinci hissədə təşəbbüsü ələ alıb, fasilədən əvvəlki oyunla müqayisədə daha təhlükəli hücumlar təşkil edib və nəticədə qalib gəlib.
Növbəti turda Yunanıstan millisi Niderlandı qəbul edəcək. Almaniya isə evdə Serbiya ilə qarşılaşacaq.
