Rusiyanın Yessentuki şəhərində iki təhsil müəssisəsində bomba olması barədə məlumat qeydə alınıb.
"Operativ Məlumat Mərkəzi-OMM" xəbər verir ki, bununla bağlı şəhərin bələdiyyə başçısı Vladimir Krutnikov Telegram kanalında məlumat yayıb.
"1 saylı məktəbdə bomba təhlükəsi olması ilə bağlı məlumat aldıq. Məlumatı araşdırmaq üçün hüquq-mühafizə orqanları ilə işləyirik. Hazırda araşdırma aparılır", - o yazıb.
Krutnikov həmçinin bildirib ki, 10 saylı məktəbdə bomba təhlükəsi barədə məlumat daxil olub və bu məsələ də araşdırılır.
