Yeni Zelandiya hakimiyyəti Fələstinin HƏMAS hərəkatının siyasi qanadını terror təşkilatları siyahısına əlavə edib.
"Operativ Məlumat Mərkəzi-OMM" xəbər verir ki, Bu barədə Yeni Zelandiyanın Baş naziri Kristofer Lakson və xarici işlər naziri Uinston Petersinin birgə bəyanatında qeyd olunub.
Bildirilib ki, Yeni Zelandiya HƏMAS-ın hərbi qanadını 2010-cu ildə terror təşkilatı siyahısına salıb, lakin hərəkatın 2023-cü il oktyabrın 7-də İsrailə hücumundan sonra hərəkatın hərbi və siyasi qanadları arasında fərq qoymur.
“Bu hərəkat dəhşətli terror aktlarına görə məsuliyyət daşıyır”, – deyə bəyanatda vurğulanıb.
Bəyanata əsasən, terror təşkilatının bu ölkədəki bütün aktivləri dondurulub.
Bu cür aktivlərlə hər hansı bir əməliyyatın və təşkilata maddi dəstəkin cinayət məsuliyyəti hesab olunacağı bildirilib.
