OMM Redaksiyası
"Çin hökuməti Yaxın Şərqdə sülhün bərpası məqsədilə müvafiq tərəflərlə əməkdaşlıq edəcək".
“Operativ Məlumat Mərkəzi-OMM” xəbər verir ki, bu sözləri Çin Xarici İşlər Nazirliyinin rəsmi nümayəndəsi Mao Nin ABŞ Prezidenti Donald Trampın Çin və Rusiyanın İrana yardım etmədiyi barədə fikirlərini şərh edərkən deyib.
"Çin tərəfi müvafiq məsələlərlə bağlı mövqeyini dəfələrlə açıqlayıb. Biz Yaxın Şərqdə sülhün və sabit inkişafın bərpası üçün müvafiq tərəflər və beynəlxalq ictimaiyyətlə birlikdə konstruktiv səylər göstərməyə davam edəcəyik", - o bildirib.
Xatırladaq ki, daha əvvəl ABŞ Prezidenti Donald Tramp Rusiya və Çinin İranı dəstəkləmədiyinə əmin olduğunu bildirib. O, bu ölkələrin itirəcəkləri çox şey olduğunu da vurğulayıb.
