Çin Xarici İşlər Nazirliyinin sözçüsü Mao Ninq bildirib ki, Yaponiya Tayvan adasının yaxınlığında orta mənzilli raketlər yerləşdirərsə, Çin öz ərazisinin qorunmasını təmin edə bilər.
"Operativ Məlumat Mərkəzi-OMM" xəbər verir ki, bu barədə məlumatı xarici KİV yayıb.
"Çinin öz milli ərazi suverenliyini qorumaq əzmi və bacarığı var", - o, Yaponiya Müdafiə Nazirliyi rəhbərliyinin Tayvandan təxminən 110 km məsafədə yerləşən Yonaquni adasında raket silahlarının yerləşdirilməsi ilə bağlı bəyanatlarını şərh edərkən vurğulayıb.
Sözçü xatırladıb ki, 1945-ci il Potsdam Bəyannaməsinə uyğun olaraq, Tokio müstəsna müdafiə xarakterli strategiyaya riayət etməlidir və hərbi imkanlarını genişləndirmək hüququna malik deyil.
"Lakin, Yaponiyanın son illərdə təhlükəsizlik siyasətini əsaslı şəkildə yenidən nəzərdən keçirməsi, müdafiə büdcəsini tədricən artırması, silah ixracına qoyulan məhdudiyyətləri yumşaltması, hücum silahlarının inkişafını davam etdirməsi və nüvəsizləşdirmənin üç prinsipindən imtina etməyi planlaşdırması ilə bağlıdır", - Mao Ninq əlavə edib.
Onun sözlərinə görə, Tokioda müəyyən siyasi qüvvələr “sülh konstitusiyasının məhdudiyyətlərindən qurtulmağa” çalışır, militarizasiya yolu ilə gedir və bununla da “Yaponiyanı və ətraf regionu fəlakətə sürükləyir”.
Çin diplomatı xatırladıb ki, bu il Yaponiya təcavüzünə qarşı Çin Xalq Müqavimət Müharibəsində qələbənin 80 illiyi, eləcə də Tayvanın yapon işğalından azad edilməsinin 80 illiyi qeyd olunur.
