Fransada jandarma ABŞ mərkəzli "X" şirkətinin paytaxt Parisdə yerləşən ofislərində axtarış aparıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Sözügedən axtarışın 2025-ci ilin yanvarında başladılan bir istintaq çərçivəsində aparıldığı bildirilib.
Paris Prokurorluğu, istintaqa mövzu olan hadisələr zamanı rəhbər vəzifədə olmuş Linda Yaccarinonu, eləcə də "X" platformasının sahibi və Tesla şirkətinin baş icraçı direktoru (CEO) İlon Maskı 20 aprel tarixində Parisə ifadə verməyə çağırıb.
Prokurorluq "X" şirkətinin sosial media platformasına inteqrasiya edilmiş süni intellekt aləti "Grok"un yəhudi soyqırımını inkar edən və "deepfake" məzmun yaymasından sonra platformanın fəaliyyəti ilə bağlı edilən müxtəlif cinayət şikayətlərinin ardınca istintaqın əhatə dairəsinin genişləndirildiyini bildirib.
