Azərbaycan Afrika dövlətləri ilə dostluq əlaqələrinin inkişafına xüsusi diqqət yetirir. Xarici İşlər Nazirliyinin (XİN) Afrika Günü münasibətilə "X" sosial şəbəkəsindəki paylaşımında bu münasibətlərin əhəmiyyəti qeyd olunub.
Nazirliyin təbrik mesajında Afrika qitəsinin hökumətlərinə və xalqlarına ən xoş arzular çatdırılıb. Məlumatda həmçinin əməkdaşlığın prioritet istiqamətləri vurğulanıb:
- Ticarət və enerji sahələri;
- Təhsil və dayanıqlı inkişaf;
- Humanitar təşəbbüslər.
XİN-dən bildirilib ki, Azərbaycan Afrika tərəfdaşları ilə həm ikitərəfli formatda, həm də beynəlxalq təşkilatlar çərçivəsində əlaqələrin daha da genişləndirilməsində maraqlıdır.
