Xankəndi şəhər stadionu əsaslı yenidənqurmadan sonra futbol azarkeşlərini qəbul edir. Arenada keçirilən oyunun ab-havası və yenilənmiş infrastruktur qeydə alınıb.
Stadionun tikintisinə 1955-ci ildə başlanıb, arena 1956-cı ildə istifadəyə verilib. Sovet dövründə Ağdamın “Qarabağ” klubu ev oyunlarını bu stadionda keçirib.
Stadionun yenilənməsi
2023-cü ildə arenada bərpa və yenidənqurma işlərinə başlanıb. Həmin il dekabrın 21-də burada “Qarabağ” və MOİK komandaları Azərbaycan Kubokunun oyunu çərçivəsində qarşılaşıb.
Stadionun əsaslı yenidənqurmadan sonrakı açılışı 2026-cı il noyabrın 7-də olub. UEFA-nın 3-cü kateqoriya standartlarına uyğunlaşdırılan arena 8 554 tamaşaçı tutumuna malikdir. Stadionda müasir futbol meydançası, atletika zolaqları və yenilənmiş infrastruktur var.
Birinci Liqa oyunu
Bu gün Birinci Liqanın səkkizinci turunda “Xankəndi” doğma meydanda “Karvan-Yevlax”la qarşılaşacaq. Saat 16:00-da başlayacaq oyunu baş hakim Kamranbəy Rəhimov idarə edəcək.