"WhatsApp" messencerinə zənglərlə bağlı yeni funksiya əlavə olunacaq.
"Operativ Məlumat Mərkəzi-OMM" xəbər verir ki, bu barədə "WABetaInfo" portalı məlumat yayıb.
Bildirilir ki, artıq mesaj yerində link yaratmaq menyusu olacaq. Bu menyu vasitəsilə həmsöhbətləri həm audio, həm də video zənglərə dəvət etmək mümkün olacaq.
Yaradılmış keçidi cari söhbətdə və ya digər pəncərələrdə paylaşmaq mümkün olacaq.
Bu gün messencerin bir çox istifadəçiləri zənglərə keçidlər yaratmağın mümkün olduğunu bilmirlər. Yenilik bu seçimi daha nəzərə çarpacaq edəcək.