OMM Redaksiyası
“Real Madrid” Vinisius Juniorun yeni müqavilə tələblərini qarşılamayacağı təqdirdə, ulduz futbolçunun komandadan ayrılması gündəmə gələ bilər.
"Operativ Məlumat Mərkəzi-OMM" xəbər verir ki, bu barədə yerli KİV məlumat yayıb.Mövzu ilə bağlı xəbərlər ölkənin bir sıra aparıcı media qurumlarında müzakirə olunur.
“El Nacional” nəşrinin jurnalistlərinin iddiasına əsasən, Fransa çempionu PSJ “Real Madrid”lə Vinisius Junior arasında yaranmış vəziyyəti yaxından izləyir.
Paris klubunun prezidenti Nasser Əl-Xelayfinin şəxsən braziliyalı hücumçunu transfer etməkdə maraqlı olduğu və bu keçidi reallaşdırmaq üçün ciddi addımlar atmağa hazır olduğu bildirilir.
Vinisius Juniorun “Los Blancos”la mövcud müqaviləsinin gələn ilin ortalarında başa çatacağı qeyd olunur. Hazırda futbolçunun bazar dəyəri 150 milyon avro olaraq qiymətləndirilsə də, bir müddət əvvəl bu göstəricinin 200 milyon avroya qədər yüksəldiyi vurğulanır.
Cari mövsümdə Vinisius Junior bütün turnirlər üzrə 31 oyunda meydana çıxaraq 7 qol və 11 məhsuldar ötürmə ilə yadda qalıb.
