"Real" klubunun braziliyalı ulduzu Vinisius Junior üçün astronomik transfer təklifi daxil olub.
"Operativ Məlumat Mərkəzi-OMM" xarici KİV-ə istinadən xəbər verir ki, adı açıqlanmayan Səudiyyə Ərəbistanı klubu ötən həftəsonu "kral klubu" ilə əlaqə saxlayaraq futbolçu üçün 230 milyon avro ödəməyə hazır olduğunu bildirib.
Lakin "Real Madrid" rəhbərliyi bu təklifə dərhal rədd cavabı verib. Klub rəsmiləri 25 yaşlı hücumçunun cari qış transfer pəncərəsində satılmayacağını qəti şəkildə vurğulayıblar.
Vinisius Junior cari mövsüm bütün turnirlər daxil olmaqla 29 qarşılaşmada meydana çıxıb. 6 qol vurub və 8 məhsuldar ötürmə müəllifi olub.
Qeyd edək ki, braziliyalı futbolçunun Madrid təmsilçisi ilə hazırkı müqaviləsinin müddəti 2027-ci ilin iyun ayına qədərdir.
