Afət Ziyadqızı
Venesuela Prezidenti Nikolas Maduro ölkənin Rusiya ilə hərtərəfli əlaqələrini yüksək qiymətləndirib.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Onun sözlərinə görə, Venesuela ilə Rusiya arasındakı əlaqələr əməkdaşlığın mükəmməl nümunəsidir, çünki “Prezident Putinin başçılıq etdiyi rus xalqı öz tərəfdaşlarına hörmət edir”.
Maduro deyib ki, Rusiya digər ölkələrlə münasibətləri “bərabərlik, hörmət və əməkdaşlıq” prinsipləri əsasında qurmağa çalışır. O, Venesuelanın 25 ildir Rusiya ilə "hərtərəfli əməkdaşlığı" davam etdirdiyinə diqqət çəkib.
Maduro qeyd edib ki, Karakas və Moskva “sakitlik, etimad və qardaşlıq şəraitində işləməyə davam edir”. O, qeyd edib ki, iki ölkə hökumətləri “inkişaf məsələləri, xüsusən də müdafiə sahəsində daimi təmasdadır”.
