Valensiya hökuməti İspaniyanın mərkəzi hökumətindən daşqınların nəticələrini aradan qaldırmaq üçün 31 milyard avro dəyərində yardım paketi istəyib.
"Operativ Məlumat Mərkəzi-OMM" xəbər verir ki, bu barədə regional hakimiyyət orqanı məlumat yayıb.
Məlumata görə, Valensiya Nazirlər Kabineti "31,402 milyard avro dəyərində təxmin edilən ilk paket üçün İspaniya hökumətinə sorğu göndərib.
Xüsusilə, regional hakimiyyət muxtariyyətin bərpasına və fəlakətin nəticələrinin yumşaldılmasına yönəlmiş 136 tədbir təklif edib.
Belə ki, paket daşqınlardan zərər çəkmiş şəxslərə, o cümlədən nəqliyyat vasitələrinin alınması üçün vəsaitin ayrılmasını, eləcə də regionda infrastrukturun bərpasına köməklik göstərilməsini nəzərdə tutur.
