Ümumdünya Səhiyyə Təşkilatının (ÜST) sözçüsü Marqaret Harris İsrail ordusunun Qəzza şəhərində basqın edərək tamamilə yerlə-yeksan edərək geri çəkildiyi Şifa xəstəxanasında ağır vəziyyətin yarandığını bildirib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

"İsrail ordusu Qəzzada ən böyük sağlamlıq kompleksi olan Şifa Xəstəxanasından çəkildiyini açıqlayıb. Xəstəxana iki həftəyə yaxın mühasirədə qalıb. İndi tamamilə məhv edilib və işlək vəziyyətdə deyil. Bu yerin “ölüm evi”nə çevrildiyi, ətrafda çürümüş meyitlərin olduğu bildirilir",- deyə Harris bildirib.

ÜST-nin bu gün Şifa Xəstəxanasına bir qrup göndərməyi planlaşdırdığını, lakin bunun üçün hələlik icazə almadığını ifadə edən Harris, ÜST-nin bir çox missiyalarına girişin qadağan edildiyini qeyd edib.

Cənubi Afrika, Avstraliya, Meksika və Yeni Zelandiyadan olan yanğınsöndürmə qrupları Kanadanın Alberta və Britaniya Kolumbiyası əyalətlərində yanğınların söndürülməsinə kömək etməyə gedəcək.

"Operativ Məlumat Mərkəzi-OMM" xəbər verir ki, Kanadanın baş naziri Castin Trudeau "X" hesabında verdiyi açıqlamada Albertanın Jasper bölgəsində yanğınlarla mübarizənin davam etdiyini bildirib.

Cənubi Afrika, Avstraliya, Meksika və Yeni Zelandiyadan 400-dən çox yanğınsöndürmənin Alberta və Britaniya Kolumbiyasındakı yanğınlarla mübarizəyə dəstək vermək üçün bölgəyə gələcəyi barədə məlumatı paylaşan Trüdo yanğınla mübarizə aparan qruplara təşəkkür edib.

Jasper Milli Parkı ətrafında evakuasiya səyləri davam edərkən, İqlim Nazirliyinə bağlı Kanada Parklarının internet saytında edilən elanda parka girişin ən azı avqustun 6-na qədər qadağan edildiyi bildirilib.

"New York Times" qəzetinin məlumatına görə, Jasper Milli Parkında təxminən 363 kvadrat kilometr ərazinin yanğın nəticəsində məhv olduğu təxmin edilir.

Jasper bölgəsinin rəsmiləri yanğının vurduğu zərərin hələ tam olaraq müəyyən edilmədiyini və "bölgənin yarıdan çoxunun" zərər çəkmiş ola biləcəyini açıqlayıb.

Jasper Milli Parkı ətrafında yaşayan təxminən 25 min insan artan alov səbəbindən iyulun 23-də ərazini boşaltmalı olub.

Fransanın paytaxtı Parisdə keçirilən Yay Olimpiya Oyunlarının açılış mərasimi başlayıb.

"Operativ Məlumat Mərkəzi-OMM" xəbər verir ki, tədbir ilk dəfə stadiondan kənarda - Sena çayının ətrafında baş tutur.

Mərasimdə 206 komandadan 10,5 min idmançı iştirak edir.

Açılışı təxminən 300 min tamaşaçı izləyir. Bundan başqa tədbir şəhər sakinləri və qonaqlar üçün nəhəng ekranlarda yayımlanır.

İştirakçılar 116 qayıq vasitəsilə təxminən 6 km məsafəni qət edib Parisin müxtəlif tarixi məkanları və Olimpiya qurğularından yan keçəcəklər.

Açılış mərasimindəki paradda Azərbaycan bayrağını cüdoçu Gültac Məmmədəliyeva və boksçu Məhəmməd Abdullayev daşıyacaqlar.

Qeyd edək ki, Azərbaycan millisi Fransada 48 idmançı ilə təmsil olunur. Yığma 15 idman növü üzrə 17 proqramda çıxış edəcək. Paris-2024-ə avqustun 11-də yekun vurulacaq.

Müstəqil beyin mərkəzi IFRAP Fondu Paris Olimpiadasına ayrılan büdcənin 11 milyard avro olduğunu bildirib.

"Operativ Məlumat Mərkəzi-OMM" xəbər verir ki, müraciət zamanı xərc 6,2 milyard avro olaraq qiymətləndirilirdi.

Oyunların dövlət tərəfindən maliyyələşdirilməsinin payı 2,3 milyard avrodan 4,6 milyard avroya yüksəlib.

İsrailin Təl-Əviv məhkəməsi “Əl-Cəzirə” telekanalının ölkədə yayımına qoyulan qadağanı uzadıb.

"Operativ Məlumat Mərkəzi-OMM" xəbər verir ki, bu barədə “The Jerusalem Post” qəzeti məlumat yayıb.

Bildirilib ki, məhkəmə telekanalın yayımına qoyulan qadağanı və onun İsraildəki 21 ofisinin bağlanması barədə qərarı daha 45 gün uzadıb.

Fransada bir sıra marşrutlarda sürət qatarlarının hərəkətini ciddi şəkildə çətinləşdirən təxribat aktlarının arxasında İranın radikal qüvvələri dayanır.

"Operativ Məlumat Mərkəzi-OMM" “İnterfaks”a istinadən xəbər verir ki, bu barədə İsrailin xarici işlər naziri İsrael Kats sosial şəbəkələrdə məlumat yayıb.

Nazir xatırladıb ki, o, fransalı həmkarı Stefan Sejurneyə iranlıların İsrail nümayəndə heyətinə və Olimpiadanın bütün digər iştirakçılarına qarşı terror hücumları planlaşdırdığı barədə xəbərdarlıq edib.

Qeyd edək ki, Fransa hökuməti bir sıra xətlərdə sürət qatarlarının hərəkətinə qarşı təxribat törədildiyini bildirib.