İrana qarşı hərbi əməliyyatların icrası və ardından tətbiq olunan dəniz blokadası dövründə ABŞ-ın milli borcu 406,5 milyard dollardan çox artıb. Bu barədə ABŞ Maliyyə Nazirliyi rəsmi məlumat yayıb.
Xatırladaq ki, ABŞ və İsrail qüvvələri fevralın 28-də İrandakı hədəflərə qarşı zərbələr endirməyə başlamış, tərəflər aprelin 8-də atəşkəs razılığına gəlmişdilər.
Nazirliyin statistikasına görə, əməliyyatların başlamasından bir gün əvvəl – fevralın 27-də ABŞ-ın dövlət borcu 38 trilyon 769 milyard 805 milyon dollar təşkil edirdi. Mayın 30-na olan məlumata əsasən isə bu rəqəm 39 trilyon 176 milyard 301 milyon dollara yüksəlib.
Beləliklə, aktiv döyüş əməliyyatları və İranın dəniz blokadası ilə müşayiət olunan üç aylıq müddət ərzində ABŞ-ın ümumi dövlət borcunda 406,5 milyard dollarlıq artım müşahidə olunub.
