Afət Ziyadqızı
ABŞ-nin İrana qarşı həyata keçirdiyi hərbi əməliyyatların maliyyə dəyəri ilə bağlı yeni rəqəmlər açıqlanıb.
“Operativ Məlumat Mərkəzi-OMM” xəbər verir ki, “Iran War Cost Tracker” platformasının məlumatına görə, Vaşinqton 79 gün ərzində hərbi əməliyyatlara 85 milyard dollardan çox vəsait xərcləyib.
Məlumata əsasən, əməliyyatların başlanmasından ötən müddətdə ABŞ Prezidenti Donald Tramp administrasiyası bölgədə genişmiqyaslı hərbi fəaliyyətin maliyyələşdirilməsinə böyük məbləğ ayırıb.
Qeyd olunub ki, hesablamalara şəxsi heyətin saxlanılması, bölgəyə göndərilən hərbi gəmilər, logistika və digər əlaqəli xərclər də daxildir.
Bildirilir ki, açıqlanan rəqəm Pentaqonun maliyyə şöbəsinin rəhbəri vəzifəsini icra edən Cules Hurstun daha əvvəl səsləndirdiyi 29 milyard dollarlıq göstəricidən təxminən üç dəfə çoxdur.
