"Vətənini tərk etməyə icazə verilən ukraynalı gənclər kütləvi şəkildə Polşaya daxil olurlar".
"Operativ Məlumat Mərkəzi-OMM" xəbər verir ki, bu sözlər Polşa Sərhəd Mühafizəsinin açıqlamasında yer alıb.
Bildirilib ki, avqustun sonundan noyabrın 24-dək Ukrayna vətəndaşlığı olan 18-22 yaş arası 121 mindən çox kişi ölkəyə gəlib.
Onlardan 62 minə yaxını Polşada qalıb və ya digər Avropa İttifaqı (Aİ) ölkələrinə gedib.
Avqustun 28-də Ukraynada 18-22 yaş arası hərbçilərin sərhədi keçməsinə icazə verən qanun qüvvəyə minib .
