Ukraynaya məxsus pilotsuz uçuş aparatı Rusiya ərazisindəki neft bazasını vurub.
"Operativ Məlumat Mərkəzi-OMM" TASS-a istinadən xəbər verir ki, hadisə Bryansk vilayətinin Klintsı şəhərində qeydə alınıb.
Partlayışı vilayətin qubernatoru Aleksandr Boqomaz da təsdiqləyib.
Onun sözlərinə görə, hava hücumundan müdafiə sistemləri dronu zərərsizləşdirdikdən sonra onun partlayıcı yüklü hissəsi ümumi tutumu 6 min kubmetr olan neft bazasının üzərinə düşüb.
Hadisə bölgəsinə çox sayda yanğınsöndürən cəlb olunub. Ölən və ya xəsarət alanın olmadığı bildirilib.
Xatırladaq ki, sözügedən neft bazası ötən ilin may ayında da dron hücumuna məruz qalıb.