Afət Ziyadqızı
Krasnodar diyarının Primorsko-Axtarsk rayonu ərazisində vurulan Ukrayna dronlarının qalıqları dörd çoxmənzilli binanın bir neçə pəncərəsini sındırıb.
“Operativ Məlumat Mərkəzi-OMM” xəbər verir ki, bu barədə regional əməliyyat qrupu teleqram kanalında məlumat yayıb.
Bildirilib ki, hadisə nəticəsində xəsarət alan olmayıb. Əraziyə təcili yardım və xüsusi xidmət orqanlarının əməkdaşları cəlb olunub. Qeyd olunub ki, yerli administrasiya sakinlərə zədələnmiş pəncərələrin bərpasında köməklik göstərəcək.
Xatırladaq ki, bundan əvvəl Qoryaçi Klyuç şəhərində də vurulmuş Ukrayna dronlarının qalıqları aşkar edilmişdi.
