Ukrayna nümayəndə heyəti mineral ehtiyatlara dair yeni saziş layihəsini müzakirə etmək üçün bu həftənin əvvəlində ABŞ-a səfər edəcək.
"Operativ Məlumat Mərkəzi-OMM" xəbər verir ki, bu barədə Ukraynanın iqtisadiyyat naziri Yuliya Sviridenko "Associated Press" agentliyinə müsahibəsində bildirib.
"İndi bizim əlimizdə ABŞ Maliyyə Nazirliyinin hüquq qrupunun mövqeyini əks etdirən sənəd var. Bu, yekun variant, ümumi mövqe deyil", - Sviridenko vurğulayıb.
O, əlavə edib ki, Ukrayna prezidenti Vladimir Zelenskinin komandasının bütün üzvləri ABŞ-la razılaşmaq istəyir, lakin bu, ölkənin “strateji maraqlarına” uyğun olmalıdır.
Nazir bildirib ki, müvafiq qrup Amerika tərəfi ilə şəxsən görüşməli və sazişin bütün nüanslarını müzakirə etməlidir.
