Uelsdə məktəbə bıçaqlı hücum baş verib, yaralılar var

Uelsin Ammanford şəhərində məktəbə bıçaqlı hücum nəticəsində 3 nəfər yaralanıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

İki təcili yardım vertolyotunun hazır vəziyyətdə saxlanıldığı hadisədən sonra bir çox valideyn sosial şəbəkədə məktəbin giriş-çıxışlarının bağlandığı barədə mesajlar paylaşıb.

Bölgəyə cavabdeh olan Dyfed-Powys Polis İdarəsindən verilən açıqlamada məktəbdə bıçaqlı hücumla bağlı 1 nəfərin nəzarətə alındığı bildirilib.