Oman sahillərində neft tankeri naməlum obyekt tərəfindən vurulub.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
Böyük Britaniyanın Dəniz Ticarət Əməliyyatları İdarəsinin (UKMTO) məlumatına görə, hadisə Omanın şimal-şərqindəki Şisa bölgəsindən təxminən 9 dəniz mili məsafədə baş verib.
Naməlum obyekt tankerin maşın bölməsinə dəyib. Nəticədə bölməyə zərər dəyib və gəmi hərəkətsiz vəziyyətə düşüb.
Məlumata görə, ekipaj üzvlərindən ölən və yaralanan yoxdur.
Hadisə nəticəsində ətraf mühitə zərər dəyməyib və ya neft sızması qeydə alınmayıb.
