Yaponiyanın cənub sahillərinə yaxınlaşan güclü tayfun Kaqoşima prefekturasında bir neçə min insanın təxliyəsinə səbəb olub.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
Bildirilib ki, Okinava prefekturasında isə ehtiyat tədbiri olaraq məktəblərdə dərslər ləğv edilib.
Yaponiya Meteorologiya Agentliyi dağıdıcı gücə malik küləkli hava və dənizdə yüksək dalğalarla bağlı xəbərdarlıq edib.
Sakinlərə sürüşmə, daşqın və çayların məcrasından çıxması riskləri səbəbilə son dərəcə ehtiyatlı olmaq tövsiyə olunub.
Hazırda tayfunun mərkəzi Minamidaito adasından təxminən 50 kilometr şimalda yerləşir, küləyin maksimal sürəti 216 km/saata çatır.
