Ukrayna Prezidenti Volodimir Zelenski tezliklə ABŞ Prezidenti Donald Trampla sülh planını müzakirə etmək üçün görüşəcək.
"Operativ Məlumat Mərkəzi-OMM" xəbər verir ki, bu barədə Zelenski özünün "Telegram" kanalında məlumat verib.
O, Milli Təhlükəsizlik və Müdafiə Şurasının katibi Rüstəm Umerovun Amerika tərəfi ilə son əlaqələr barədə ona məlumat verdiyini yazıb.
“Bir günü də boşa sərf etmirik. Yaxın gələcəkdə ən yüksək səviyyədə Prezident Trampla görüş barədə razılığa gəlmişik. Yeni ildən əvvəl çox şeyə qərar vermək olar", - o qeyd edib.
