Ağ Evin lideri Donald Trampın Çinə səfəri ilə bağlı Çin və ABŞ rəsmiləri təmasdadır.
“Operativ Məlumat Mərkəzi-OMM” "Xinhua" agentliyinə istinadən xəbər verir ki, bu barədə Çin Xarici İşlər Nazirliyinin rəsmisi Lin Tszyan mətbuat konfransında bildirib.
Onun sözlərinə görə, dövlət başçılarının diplomatiyası Çin-ABŞ münasibətlərində əvəzolunmaz strateji istiqamətləndirici rol oynayır.
Daha əvvəl Donald Trampın martın 31-dən aprelin 2-dək Çinə səfər edəcəyi barədə məlumat verilmişdi. O, sıx qrafik və təhlükəsizlik tədbirləri ilə əlaqədar səfəri zamanı yalnız Pekini ziyarət edəcək.
