Fransa nəhəngi PSJ-nin qapıçısı Luka Şevalye transfer bazarında diqqət mərkəzindədir.
"Operativ Məlumat Mərkəzi-OMM" xarici KİV-ə istinadən xəbər verir ki, 24 yaşlı qolkiperlə yaxın transfer pəncərəsində İngiltərənin "Tottenhem" və Türkiyənin "Beşiktaş" klubları ciddi maraqlanır.
Gənc qapıçı hazırkı komandasında əsas heyətə düşməkdə çətinlik çəkir. Ötən ilin yayında "Lill" klubundan 40 milyon avro qarşılığında PSJ-yə transfer olunan Şevalye, baş məşqçi Luis Enrikenin rəhbərliyi altında rəqabətdə geri qalıb.
O, əsas heyət yerini Matvey Safonova uduzaraq, meydanda kifayət qədər oyun praktikası əldə edə bilmir.
Mənbə qeyd edir ki, fransalı oyunçu komandadan ayrılma ehtimalını istisna etmir. Lakin o, karyerasını davam etdirəcəyi yeni klub seçimində olduqca ehtiyatlı davranır. Şevalye yalnız özünə tam əmin olduğu və inkişaf edə biləcəyi bir layihəyə qoşulmaq niyyətindədir.
