İngiltərənin “Vest Hem” komandasının yeni baş məşqçisi məlum olub.

"Operativ Məlumat Mərkəzi-OMM" Premyer Liqa klubunun rəsmi saytına istinadən xəbər verir ki, London təmsilçisi ispaniyalı çalışdırıcı Xulen Lopetegi ilə müqavilə imzalayıb. O, bu postda Devid Moyesi əvəzləyib.

Qeyd edək ki, X. Lopeteginin son iş yeri İngiltərənin “Vulverhempton” komandası olub.

“Turan Tovuz” heyətinə yeni oyunçu cəlb edib.

Klubdan "Operativ Məlumat Mərkəzi-OMM"-ə verilən məlumata görə, bölgə təmsilçisi vaxtilə Rusiyanın 21 yaşlılardan ibarət milli komandasının da şərəfini qorumuş İvan Konovalovla anlaşıb.

Qolkiperlə 1+1 illik müqavilə imzalanıb.

Qeyd edək ki, Moskva “Spartak”ının yetirməsi olan qapıçı Rusiyada “Amkar”, “Rubin”, “Ural”, “Baltika” klubları ilə yanaşı, Serbiyada “Radniçki”, “Baçka”, Belarusda “Torpedo”, Qazaxıstanda “Tobol”, Şotlandiyada isə “Livinqston” komandalarının da şərəfini qoruyub.

Türkmənistanlı mütəxəssis Kurban Berdıyev “Turan Tovuz”un baş məşqçisi təyin olunub.

"Operativ Məlumat Mərkəzi-OMM" xəbər verir ki, bu barədə klubun mətbuat xidməti məlumat yayıb.

Onunla "2+1" illik müqavilə bağlanıb.

Daha çox Rusiya təmsilçisi “Rubin”dəki uğurları ilə tanınan Kurban Berdıyev Qazaxıstanda “Kayrat”, “Taraz”, Türkiyədə “Gənclərbirliyi”, Türkmənistanda “Nisa” və əsas milli komanda, İranda “Traktor”, Rusiyada “Rostov”, “Soçi”, “Dinamo” (Mahaçqala) komandalarına rəhbərlik edib.

PRO kateqoriyalı mütəxəssis “Rubin”lə 2 dəfə Rusiya çempionu olmaqla yanaşı, 2 dəfə Rusiya Superkuboku, 1 dəfə isə ölkə kubokuna sahib olub. O, 2020/2021 mövsümündə “Kayrat”la Qazaxıstan Kubokunu başı üzərinə qaldırıb.

Almaniyada təşkil olunan Avropa çempionatının qrup mərhələsində III turun növbəti görüşləri keçiriləcək.

"Operativ Məlumat Mərkəzi-OMM" xəbər verir ki, bu gün D və C qruplarında mübarizəyə yekun vurulacaq.

Paytaxt Berlində Niderland və Avstriya komandaları üz-üzə gələcək. Hazırda D qrupunun lideri olan Niderland millisinin 4, Avstriyanın isə 3 xalı var. Qrupun digər komandaları Fransa və Polşa isə Dortmund şəhərində qarşılşacaqlar. Fransa millisi 4 xala malikdirsə, Polşanın xalı yoxdur.

Hər iki oyun Bakı vaxtl ilə saat 20:00-da başlayacaq.

İtaliya təmsilçisi "Roma"nın futbolçusu Leonardo Spinatsola klubdan ayrılacaq.

"Operativ Məlumat Mərkəzi-OMM" xarici KİV-ə istinadən xəbər verir ki, 31 yaşlı müdafiəçinin iyunun sonunda başa çatacaq müqavilə müddəti uzadılmayacaq.

Qeyd edək ki, L.Spinatsola 2019-cu ildən "canavarlar"ın şərəfini qoruyur. O, bu müddət ərzində 151 oyun keçirib və 7 qol vurub.

Futbol üzrə Azərbaycan I və II Liqasının başlama tarixləri müəyyənləşib.

"Operativ Məlumat Mərkəzi-OMM" xəbər verir ki, bu barədə Peşəkar Futbol Liqasının mətbuat xidməti məlumat yayıb.

II Liqa sentyabrın 1-də start götürəcək. I Liqa isə bundan 10 gün sonra – 11 sentyabrda başlayacaq.