Afət Ziyadqızı
Suriyadakı yeni administrasiya Rusiya və İrandan müsbət siqnallar alır, lakin onlar bu siqnalların aydın siyasətə çevrilməsini istəyirlər.
"Operativ Məlumat Mərkəzi-OMM" xəbər verir ki, bunu Suriya Keçid Hökumətinin Xarici İşlər Nazirliyinin rəhbəri Əsəd Həsən əş-Şeybani bildirib.
"Suriya xalqının Rusiya və İranla problemi onların Bəşər Əsəd rejimini dəstəkləməsi idi, lakin problem Moskva və ya Tehranla bağlı deyildi. Biz qarşılıqlı hörmətə və bir-birimizin işlərinə qarışmamağa əsaslanan istənilən münasibəti alqışlayırıq", - deyə o qeyd edib.
