NATO-nun baş katibi Yens Stoltenberq Ermənistanla, o cümlədən “Ukrayna məsələsində həmrəylik”lə bağlı bəyanatları əlaqələndirməyə borclu deyil.

"Operativ Məlumat Mərkəzi-OMM" xəbər verir ki, bunu Ermənistanın baş naziri Nikol Paşinyan deyib.

Ermənistan hökumətinin başçısı müxalif deputat Aqnessa Hamoyanın sualını cavablandırarkən NATO baş katibinin fikirlərinə belə reaksiya verib.

“Heç bir təcrübə yoxdur ki, səfərlər zamanı bəyanatlar razılaşdırılsın. Cənab Stoltenberqin (Ukrayna ilə) həmrəyliyimiz barədə açıq şəkildə söylədiklərini insanlar müxtəlif qiymətləndirə bilərlər. Bu gərgin vəziyyətdə müxtəlif tərəflərdən məmurlar peyda olub, onların adından qarşı tərəf üçün xoşagəlməz bəyanatlar verə bilərlər”, - Paşinyan cavab verib.

Ermənistanın baş naziri əlavə edib ki, ölkə Ukraynaya silah satmayıb və üstəlik, Paşinyan həm NATO-nun, həm də Rusiyanın Ermənistan əleyhinə bəyanatlar verdiyini iddia edib.

İrəvanda Ermənistan hökumət binası yaxınlığında Vaaqn Çaxalyanın başçılıq etdiyi “Kamk” təşəbbüsü etiraz aksiyası keçirir.

"Operativ Məlumat Mərkəzi-OMM" Ermənistan KİV-ə istinadən xəbər verir ki, etirazçılar Azərbaycanla sərhədlərin delimitasiyası prosesinə qarşıdırlar.

Onlar həmçinin Ermənistanın baş naziri Nikol Paşinyanın rəhbərlik etdiyi hökumətin istefasını tələb edirlər.

Ermənistanın baş naziri Nikol Paşinyanla ABŞ dövlət katibi Entoni Blinken arasında telefon danışığı olub.

Bu barədə "Operativ Məlumat Mərkəzi-OMM" Ermənistan mətbuatına istinadən xəbər verir.

Danışıq zamanı Tavuş vilayətində delimitasiya və Azərbaycanla danışıqlar müzakirə edilib.

Tərəflər aprelin 5-də Brüsseldə üçtərəfli görüşdə əldə edilmiş razılaşmaların həyata keçirilməsini də müzakirə ediblər.

Paşinyan Azərbaycanla sərhədin delimitasiyası prosesini müsbət qiymətləndirib. Bununla birlikdə, qaldırılan problemlərin həlli üçün mümkün olan hər şeyin olunacağına əmin edib.

Danışıq zamanı bildirilib ki, Alma-Ata bəyannaməsi əsasında ərazi bütövlüyünün qarşılıqlı tanınması və sərhədin delimitasiyası Ermənistanla Azərbaycan arasında sülh müqaviləsinin imzalanmasına yol açır.

Ermənistanda müqavilə ilə işləyən bir qrup hərbçi ordu sıralarında xidmətdən istefa verib.

"Operativ Məlumat Mərkəzi-OMM" xəbər verir ki, bu barədə “Yerevan.today” məlumat yayıb.

Bildirilib ki, onlar Azərbaycanla Ermənistan arasında sərhədin delimitasiyası ilə bağlı vəziyyətə etiraz olaraq bu addımı atıblar.

Qeyd edək ki, Ermənistan Müdafiə Nazirliyi KİV-i yalan və dezinformasiya yaymaqdan çəkinməyə, rəsmi hesabat və açıqlamalara istinadən etməyə çağırır.

Ermənistan hərbçisi Azərbaycanla sərhəddə yerləşən Tavuş vilayətində minaya düşüb.

"Operativ Məlumat Mərkəzi-OMM" "Sputnik Armenia"ya istinadən xəbər verir ki, bu barədə Ermənistan parlamentinin deputatı Qarnik Danielyan bildirib.

Ermənistan Müdafiə Nazirliyindən bildirilib ki, hərbçi mina partlayışı nəticəsində xəsarət alıb. Onun həyatı üçün heç bir təhlükə yoxdur.

Hərbçinin adı açıqlanmır.

Ermənistan Xarici İşlər Nazirliyi Təbrizdə baş konsulluq açacaq.

"Operativ Məlumat Mərkəzi-OMM" xəbər verir ki, bu barədə qərar hökumətin keçirilən iclasında qəbul edilib.

Xərclər təxmini də təsdiq edilib. O cümlədən, baş konsulun maaşının Tehrandakı səfirin maaşının təxminən 5/6-sı olmaqla 2 min 565 dollar olması təsdiq edilib.

İran sərhədinə yaxın Qafan şəhərində İranın Baş Konsulluğunun açılışı zamanı İran tərəfi ilə Baş Konsulluğun açılması barədə razılıq əldə olunub. 21 oktyabr 2022-ci ildə Ermənistan və İranın xarici işlər nazirləri Ararat Mirzoyan və Hüseyn Əmir Abdullahian İranın Qafandakı Baş Konsulluğunun açılış mərasimində iştirak ediblər.

Eyni zamanda onlar Ermənistanın Təbrizdə Baş Konsulluğunun açıldığını elan ediblər. 2023-cü ilin dekabr ayının sonunda Mirzoyanla keçirdiyi birgə mətbuat konfransında Abdullahian İran tərəfinin Ermənistanın Baş Konsulluğunun açılmasına razılıq verdiyini xatırladıb və onun 2024-cü ilin əvvəlində açılacağına ümid etdiyini bildirib.