Şəmkir rayonunda baş vermiş qəsdən adam öldürmə cinayətinin üstü açılıb.
"Operativ Məlumat Mərkəzi-OMM" xəbər verir ki, Baş Prokurorluq və Daxili İşlər Nazirliyinin mətbuat xidmətlərinin birgə məlumatında bildirilib.
Ötən ilin dekabrın 23-də Şəmkir rayon sakini, 1957-ci il təvəllüdlü Solmaz Mahmudova Dadaş qızının zorakılıq əlamətləri olan meyitinin aşkarlanması ilə bağlı rayon prokurorluğuna məlumat daxil olub.
Prokurorluq və polis əməkdaşlarının birgə həyata keçirdiyi operativ-istintaq tədbirləri nəticəsində müəyyən edilib ki, S.Mahmudova 1996-cı il təvəllüdlü Həmidli Arzu Mahir oğlu tərəfindən qəsdən öldürülüb.
Arzu Həmidli şübhəli şəxs qismində saxlanılaraq istintaqa təhvil verilib. Faktla bağlı Şəmkir Rayon Prokurorluğunda Cinayət Məcəlləsinin 120.1-ci maddəsi (qəsdən adam öldürmə) ilə cinayət işi başlanılıb, hazırda ibtidai istintaq davam etdirilir.
