OMM Redaksiyası
Yeni mövsüm üçün heyətini formalaşdıran “Səbail” sabiq kapitanı Rahid Əmirquliyevi yenidən transfer edib.
Klubdan "Operativ Məlumat Mərkəzi-OMM"-ə verilən məlumata görə, tərəflər arasında 1+1 illik müqavilə imzalanıb.
Təcrübəli yarımmüdafiəçi 2018–2023-cü illərdə “Səbail”in şərəfini qoruyub, komandanın kapitanı kimi klubun uğurlarında mühüm rol oynayıb.
Rahid Əmirquliyev karyerası ərzində Azərbaycan çempionatları tarixində 451 oyun keçirib. O, “Səbail”in heyətində isə 120 rəsmi qarşılaşmada meydana çıxıb.
Qeyd edək ki, “Səbail” növbəti mövsümdə Azərbaycan I Liqasında çıxış edəcək.
