“Aİ ölkələrinin Ukrayna ilə bağlı danışıqlarda iştirakını təsəvvür etmək çətindir”.
“Operativ Məlumat Mərkəzi-OMM” xəbər verir ki, bunu Rusiya xarici işlər nazirinin müavini Mixail Qaluzin jurnalistlərə bildirib.
Qaluzin qeyd edib ki, Avropa dövlət xadimlərinin və NATO ölkələrinin rəsmilərinin “bu müharibənin bədəlini ödədikləri” üçün danışıqlar masasında əyləşməli olduqları barədə açıqlamaları sual doğurur.
“Müharibənin pulunu ödədikləri üçün danışıqlar masasında oturmalı olduqlarına inanan bir şəxsin, bir dövlətin və ya bir qrup dövlətin danışıqlarda iştirakını necə təsəvvür edə bilərsiniz? Yəni, müharibəni maliyyələşdirən insanlar danışıqlar masasında oturmalıdırlar? Bunu necə təsəvvür edirsiniz?”, - deyə baş diplomat vurğulayıb.
