Afət Ziyadqızı
Rusiya ordusu Ukraynanın paytaxtı Kiyevə növbəti kütləvi raket hücumu həyata keçirib.
“Operativ Məlumat Mərkəzi – OMM” xəbər verir ki, Kiyev meri Vitali Kliçkonun açıqlamasına əsasən, hücum nəticəsində şəhərin bir neçə rayonunda ciddi dağıntılar qeydə alınıb.
Kliçko bildirib ki, zərbələr nəticəsində Solomyansk rayonunda uşaq xəstəxanasının binasına da ziyan dəyib. İlkin məlumata görə, hücumlar nəticəsində Kiyevdə 8 nəfər həlak olub, 33 nəfər isə yaralanıb.
Ukrayna Dövlət Fövqəladə Hallar Xidmətinin məlumatına görə, hazırda paytaxtın Sviyatoşinskiy, Darnitskiy və Solomyansk rayonlarında dağıntılar altında axtarış-xilasetmə işləri davam etdirilir.
Bundan başqa, Rusiya qüvvələri Jitomir vilayətinə də zərbələr endirib. Hücum nəticəsində 2 nəfər ölüb, 40 nəfər yaralanıb. Zərbələrdən sonra vilayətdəki polis idarələrindən birində güclü yanğın baş verib.
