OMM Redaksiyası
Böyük Britaniyada xidmət edən ABŞ hərbçisi Rusiyanın xeyrinə casusluq etməkdə şübhəli bilinərək saxlanılıb.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
Bildirilib ki, 41 yaşlı kişi noyabrın 10-da Qloster şəhəri yaxınlığında həbs edilib.
London polisi bildirib ki, saxlanılma ABŞ-nin müvafiq qurumları, hərbi strukturları və Federal Təhqiqatlar Bürosu (FTB) ilə sıx əməkdaşlıq çərçivəsində antiterror bölməsinin apardığı araşdırma zamanı həyata keçirilib.
İstintaq çərçivəsində Qlosterşirdə iki ünvanda axtarışlar aparılır. Polis şübhəliyə qarşı irəli sürülən ittihamların Rusiya ilə əlaqəli olduğunu açıqlayıb.
FTB-nin direktoru Keş Patel də saxlanılmanın casusluq ittihamları ilə bağlı olduğunu bildirib.
Hadisə ilə bağlı araşdırma davam edir.
