Rusiyanın Surqut şəhərində baş verən yanğında dördü uşaq olmaqla yeddi nəfər həlak olub.
"Operativ Məlumat Mərkəzi-OMM" Rusiya mətbuatına istinadən xəbər verir ki, hadisə zamanı bir nəfər də yanıq xəsarətləri ilə xəstəxanaya yerləşdirilib.
Yanğın “Pribrejnı-1” bağçılıq icmasındakı ikimərtəbəli evdə baş verib və 73 kvadratmetr sahəni əhatə edib.
Yanğınsöndürənlər gələnə qədər dam örtüyünün artıq uçduğu bildirilir.
Yanğının səbəbləri araşdırılır.
