"Rusiya danışıqların üçüncü raundunu keçirməyə hazır olduğunu bildirir və tarixlərin təyin olunmasını gözləyir, lakin Ukrayna açıq şəkildə tələsmir".
"Operativ Məlumat Mərkəzi-OMM" TASS-a istinadən xəbər verir ki, bu sözləri Kremlin sözçüsü Dmitri Peskov deyib.
"Aydındır ki, Kiyev tələsmir. Biz hələ vaxtla bağlı təklifləri gözləyirik. Rusiya tərəfi üçüncü raund keçirməyə hazırdır", - o bildirib.
Qeyd edək ki, iyunun 2-də İstanbulda Rusiya ilə Ukrayna arasında birbaşa danışıqların bərpa olunmuş ikinci raundu baş tutub. Görüş bir saatdan çox davam edib.
