Afət Ziyadqızı
ABŞ Dövlət Katibi Marko Rubio Birləşmiş Ştatlar hökuməti adından Ermənistan xalqını Müstəqillik Günü münasibətilə təbrik edib.
“Operativ Məlumat Mərkəzi-OMM” xəbər verir ki, bu barədə ABŞ Dövlət Departamentinin mətbuat xidməti rəsmi bəyanat yayıb.
Məlumata görə, Marko Rubio təbrik məktubunda ABŞ-nin Ermənistanın daha dinc, firavan və demokratik gələcəyə doğru irəliləyişini dəstəklədiyini bildirib. Dövlət katibi son bir ildə Vaşinqton və İrəvan arasında atılan “tarixi addımları” yüksək qiymətləndirərək, tərəfdaşlığın daha da dərinləşəcəyinə ümid etdiyini vurğulayıb.
Xüsusilə regional infrastruktura toxunan Rubio, “Trampın beynəlxalq sülh və rifaha aparan marşrutu” (TRIPP) təşəbbüsünün icrasına, iqtisadi əlaqələrin möhkəmləndirilməsinə, ABŞ investisiyalarının cəlb olunmasına və bütün region üçün yeni imkanların yaradılmasına nikbin baxdıqlarını diqqətə çatdırıb.
