"Real Madrid" türkiyəli yarımmüdafiəçi Arda Gülərin gələcəyi ilə bağlı qərar verib.
"Operativ Məlumat Mərkəzi-OMM" xəbər verir ki, bu barədə “The Athletic” məlumat yayıb.
Məlumata görə, “kral” klubu yarımmüdafiəçinin meydanda daha çox oyun keçirməyə layiq olduğunu düşünür.
"Los Blancos" Güləri başqa kluba buraxmayacaq. Futbolçunun özü də "Real Madrid"də qalmaq və burada uğur qazanmaq istəyir.
Daha əvvəl mətbuatda yarımmüdafiəçinin "Liverpul"a mümkün transferi ilə bağlı xəbərlər yayılmışdı. Mersisaydlıların futbolçu üçün 70 milyon avro təklif etməyə hazır olduğu iddia edilir.
