İspaniya çempionatının 13-cü turunun matçında "Atletiko Madrid" doğma meydanda "Malyorka"nı məğlub edib - 1:0. Yeganə qolu 63-cü dəqiqədə Mario Hermosonun ötürməsində baş zərbəsi ilə hücumçu Antuan Qrizmann vurub.
"Operativ Məlumat Mərkəzi-OMM" xəbər verir ki, bu qol Antuanın "matrasçılar" sırasında 170-ci qolu olub, bunun sayəsində o, Adrian Eskuderonu (1945 - 1958) ötərək klubun bombardiri siyahısında ikinci yerə yüksəlib
Birinci yerdə İspaniya millisinin keçmiş məşqçisi Luis Araqones (1964 - 1974) - 173 qol.
Qrizmann hazırda La Liqada ən çox qol vuran oyunçulardan biridir. Onun 13 matçda 9 qolu var.
