Afət Ziyadqızı
Qırğızıstanda himnin sözlərini və musiqisini dəyişmək üçün müsabiqə elan ediləcək.
"Operativ Məlumat Mərkəzi-OMM" Qırğızıstan KİV-lərinə istinadən xəbər verir ki, bu barədə mədəniyyət nazirinin müavini Timurlan Ajımaliyev himnin dəyişdirilməsi üzrə komissiyanın ilk iclasında bildirib.
"Məqsəd xalqın tarixi irsini, mədəniyyətini və birliyini əks etdirən əsər yaratmaqdır. Bununla bağlı bəstəkarlar, şairlər, musiqiçilər və yaradıcı kollektivlər dəvət olunur", - o qeyd edib.
Xatırladaq ki, himni dəyişdirməyi parlament spikeri Nurlanbek Şakiyev təklif edib. N.Şakiyev yeni himnin 2025-ci ilin aprelinə qədər qəbul edilməli olduğunu bildirib. Himnin üç variantını hazırlayıb Joqorku Keneşə təqdim etməli olan idarələrarası komissiya yaradılıb.
