Afət Ziyadqızı
Gələn ay radikal fələstinli qruplar tərəfindən bu ərazidə saxlanılan israilli girovların azad edilməsi ilə bağlı Qəzza zolağında vəziyyətin nizamlanması üçün dolayı danışıqlarda razılıq əldə olunub.
"Operativ Məlumat Mərkəzi-OMM" xəbər verir ki, bu barədə "Maan" agentliyi məlumat yayıb.
Misir vasitəçiləri ilə HƏMAS və İsrail nümayəndələri arasında bu məsələ ilə bağlı məsləhətləşmələrin “yaxın günlərdə davam edəcəyi” də bildirilir.
Bildirilib ki, münaqişə tərəfləri arasında dolayı dialoqda blokadada olan bölgədəki insanlara humanitar yardımın çatdırılacağı üç “təhlükəsiz dəhliz”in təşkili barədə razılıq əldə olunub. Bu dəhlizlərin hər biri HƏMAS və İsrail arasında danışıqlarda vasitəçilik edən ölkələrin nəzarəti altında olacaq.
