"ABŞ prezidenti Donald Tramp Ukraynadakı münaqişənin həllinə yanaşmasını dəyişmək qərarına gəlib, çünki əvvəlki cəhdlər səmərəsiz olub".
"Operativ Məlumat Mərkəzi-OMM" xəbər verir ki, bu barədə "The Atlantic" mənbələrə istinadən məlumat yayıb.
Nəşrin məlumatına görə, Ukrayna lideri Volodimir Zelenski ilə danışıqlardan sonra ABŞ-nin ordu katibi Den Driskoll ABŞ səfirinin iqamətgahında toplaşan bir qrup avropalı diplomatla görüşüb. Görüş isti, lakin gərgin keçdi.
Bir diplomat Vaşinqtonun Rusiyaya sanksiyalar vasitəsilə təzyiq cəhdlərindən əl çəkərək kursu niyə belə qəfil dəyişdiyini öyrənməyi tələb edib: "Amerika və Avropa rəsmilərinin fikrincə, cavab belə olub ki, müharibəni bitirmək üçün başqa üsullar səmərəsiz olub. Driskoll bildirib ki, hər hansı bir gecikmə Ukraynaya daha çox həyat və ərazi bahasına başa gələcək və Tramp yeni yanaşma istəyir".
"New York Times" bundan əvvəl yazmışdı ki, Driskoll Kiyevdə avropalı diplomatlarla görüşdə müttəfiqlərini Ukraynadakı münaqişənin sülh yolu ilə həlli üçün səyləri sürətləndirməyə inandırmağa çalışıb.
