Afət Ziyadqızı
Yaxın Şərqdə gərginliyin artması fonunda Qazaxıstan və İran arasında bir sıra birgə layihələr dayandırılıb.
“Operativ Məlumat Mərkəzi-OMM”xəbər verir ki, bu barədə Qazaxıstan xarici işlər nazirinin müavini Arman İsetov jurnalistlərə açıqlamasında bildirib.
Onun sözlərinə görə, ABŞ və İsrailin İrana hücumlarından sonra bölgədə yaranan mürəkkəb vəziyyət əməkdaşlığa da təsirsiz ötüşməyib: “Hazırda İranla aramızda bir çox layihə ölkənin hərbi vəziyyətdə olması səbəbindən dayandırılıb. Buna görə də həm biznes strukturlarımız, həm də sahibkarlarımız gözləmə mövqeyindədirlər”.
İsetov qeyd edib ki, tərəflər arasında taxıl tədarükü və qida məhsullarının mübadiləsi ilə bağlı layihələr mövcud idi və onların böyük ehtimalla dayandırıldığı güman olunur.
O əlavə edib ki, Qazaxıstan böyük iqtisadi itkilərlə üzləşməsə də, İranla tərəfdaşlıq münasibətləri nəzərə alınaraq əməkdaşlığın zəifləməsi müəyyən təsir göstərir.
